2016, സെപ്റ്റംബർ 16, വെള്ളിയാഴ്‌ച

അപായ ചങ്ങലയുടെ ദുഖം........






2011 ഫെബ്രുവരി മാസം ബ്ലോഗിൽ ഞാൻ  എഴുതിയ കവിതയാണ് അപായച്ചങ്ങലയുടെ ദുഃഖം......  പ്രിയപ്പെട്ടവർക്കായി ഇതാ ഒരിക്കൽ കൂടി ...





ഞാനൊരു അപായ ചങ്ങല,

നടുക്കും ദുരന്തത്തിന്‍ മൂക സാക്ഷി

പൂവാം കുരുന്നു പോല്‍ സൌമ്യമാം
എന്‍ സോദരീ സൌമ്യെ നിന്നെയോര്‍ത്തു

നിശബ്ധമായി കേഴുന്നു ഈ ഞാന്‍,

പാറി വന്നൊരാ പൂമ്പാറ്റ പോലെ നീ
തീവണ്ടി മുറിയിലേക്ക് ഓടിയെത്തി,

ജീവിതം തന്നൊരാ സുഖ ദുഖം ഒക്കെയും,
പങ്കിടാനായി വരുന്നുണ്ട് ഒരാള്‍ നാളെ,

പുത്തന്‍ പ്രതീക്ഷയും, സ്വപ്നങ്ങളുമായി,
വീട് അണയുവാന്‍ നീ വെമ്പല്‍ കൊള്കെ

,ഇരുളിന്‍ മറ പറ്റി വന്നൊരാ കാട്ടാളന്‍ ,
നിന്‍ സ്വപ്നങ്ങളൊക്കെയും തചിടുമ്പോള്‍

കേട്ടില്ല ആരുമേ നിന്‍ ദീന രോദനം
കേള്‍ക്കാതതല്ല , കേട്ടതായി ഭാവിച്ചില്ല,

ഞാനാം അപായ ചങ്ങല കണ്ടതില്ലാരും
കാണാത്തതല്ല ,കണ്ടതായി നടിച്ചില്ല,

സ്വാര്‍ത്ഥ ഭാരത്താല്‍ പോങ്ങിയില്ലൊരു കരവും,
പൊറുക്കുക പ്രിയ സോദരീ നീ
,
സഹജീവി ദുഃഖം തിരിച്ചരിയാതോരീ ,
സ്വാര്താന്ധമാം ലോകം തുടരുവോളം
അപായ ചങ്ങലകള്‍ ഞങ്ങള്‍ നിസ്സഹായര്‍......

അഭിപ്രായങ്ങളൊന്നുമില്ല: