പ്രണയം എന്നത് ഒരിക്കലും അവസ്സാനിക്കാത്ത യാത്ര പോലെയാണ്! വിവാഹം പ്രണയത്തിന്റ പുര്‍ത്തീകരണം എന്ന ചിന്തയാണ് പലപ്പോഴും വേര്‍പിരിയലുകള്‍ക്ക് വഴിയൊരുക്കുന്നത്. അത് കൊണ്ടാണ് നീയില്ലാതെ ഞാനില്ല എന്ന് പറഞ്ഞു കൊണ്ട് ഒത്തു ചേരുന്നവര്‍ യാഥാര്‍ത്ഥ്യങ്ങള്‍ക്ക് മുന്നില്‍ പതറി പോകുന്നതും പ്രണയത്തെ ശപിച്ച് കൊണ്ട് മറുവഴി തേടുന്നതും. വിവാഹം പ്രണയത്തിന്റ പൂര്‍ത്തീകരണം അല്ല, മറിച്ച് പാതിവഴി പിന്നിടല്‍ മാത്രമാണ്. കൂടുതല്‍ തീവ്രവും വേദനയും മധുരവും നൊമ്പരവും കുടിക്കലര്‍ന്ന പ്രണയാനുഭവങ്ങളുടെ തുടക്കം മാത്രമാണ് വിവാഹം. വിവാഹത്തോടെ പ്രണയം എന്ന പളുങ്കു പാത്രം അലസമായി കൈകര്യം ചെയ്യുമ്പോഴാണ് അത് എളുപ്പത്തില്‍ വീണുടയുന്നത്. എന്നാല്‍ മൂന്നോട്ടുളള വഴികള്‍ കൂടുതല്‍ സങ്കീര്‍ണ്ണതകള്‍ നിറഞ്ഞതാണെന്ന യാഥാര്‍ത്ഥ്യ ബോധത്തോടെ പ്രണയം എന്ന പളുങ്ക് പാത്രത്തെ കൈകാര്യം ചെയ്യുമ്പോഴാണ് അത് പൂര്‍ണ്ണത കൈവരിക്കുന്നത്. അതിനെ മാത്രമേ പ്രണയം എന്ന് വിളിക്കാന്‍ കഴിയൂ . മറ്റെല്ലാം പ്രണയത്തിന്റ അവസ്ഥാഭേദങ്ങള്‍ മാത്രം. നീയില്ലാതെ ഞാനില്ല എന്ന് പറഞ്ഞ പ്രണയത്തില്‍ നിന്ന് വേദനയോടെ കുതറിമാറേണ്ടി വരുമ്പോള്‍ ഒാര്‍ക്കുക, മുന്നോട്ടുളള വഴികളില്‍ പൂവായ് കിളിയായ് മഞ്ഞായ് മഴയായ് മാരിവില്ലായ് പ്രണയം നമ്മെ തേടുന്നുണ്ടാവും ! നഷ്ട് പ്രണയത്തിന്റ ആഴങ്ങളിലലയാതെ ജീവിതത്തെ പ്രണയിക്കൂ എന്ന ഓര്‍മ്മപ്പെടുത്തലുമായി
