ഞാനൊരു അപായ ചങ്ങല,
നടുക്കും ദുരന്തത്തിന് മൂക സാക്ഷി
പൂവാം കുരുന്നു പോല് സൌമ്യമാം
എന് സോദരീ സൌമ്യെ നിന്നെയോര്ത്തു
നിശബ്ധമായി കേഴുന്നു ഈ ഞാന്,
പാറി വന്നൊരാ പൂമ്പാറ്റ പോലെ നീ
തീവണ്ടി മുറിയിലേക്ക് ഓടിയെത്തി,
ജീവിതം തന്നൊരാ സുഖ ദുഖം ഒക്കെയും,
പങ്കിടാനായി വരുന്നുണ്ട് ഒരാള് നാളെ,
പുത്തന് പ്രതീക്ഷയും, സ്വപ്നങ്ങളുമായി,
വീട് അണയുവാന് നീ വെമ്പല് കൊള്കെ
,ഇരുളിന് മറ പറ്റി വന്നൊരാ കാട്ടാളന് ,
നിന് സ്വപ്നങ്ങളൊക്കെയും തചിടുമ്പോള്
കേട്ടില്ല ആരുമേ നിന് ദീന രോദനം
കേള്ക്കാതതല്ല , കേട്ടതായി ഭാവിച്ചില്ല,
ഞാനാം അപായ ചങ്ങല കണ്ടതില്ലാരും
കാണാത്തതല്ല ,കണ്ടതായി നടിച്ചില്ല,
സ്വാര്ത്ഥ ഭാരത്താല് പോങ്ങിയില്ലൊരു കരവും,
പൊറുക്കുക പ്രിയ സോദരീ നീ ,
സഹജീവി ദുഃഖം തിരിച്ചരിയാതോരീ ,
സ്വാര്താന്ധമാം ലോകം തുടരുവോളം
അപായ ചങ്ങലകള് ഞങ്ങള് നിസ്സഹായര്......
