2017, ജനുവരി 6, വെള്ളിയാഴ്‌ച

ആശംസകൾ കോഹ്‌ലി !!!!




വിരാട് കോഹ്‌ലിയുടെ ക്യാപ്റ്റൻസി , യുവരാജ് സിംഗിനെ പോലെ അർഹതയുള്ള കളിക്കാരുടെ തിരിച്ചു വരവ് അതെ ഇന്ത്യൻ ക്രിക്കറ്റിൽ വീണ്ടും നന്മകൾ പൂക്കുന്നു. അധികാര ഗർവ്വിന്റെയും സ്വാർത്ഥതയുടെയും അഴിമതിയുടെയും അനീതിയുടെയും ഒക്കെ ഫലമായി സാധാരണ ക്രിക്കറ്റ് പ്രേമിയുടെ മനസ്സിൽ നിന്നും എപ്പോഴോ എവിടെയോ വച്ച് പടിയിറങ്ങിപ്പോയ  ക്രിക്കറ്റ് എന്ന വികാരം വീണ്ടും സിരകളിൽ നിറയുന്നു. മുഗ്ദൽ സമിതിയോട് , ലോധ കമ്മറ്റിയോട്, പരമോന്നത നീതിപീഠത്തോട് സർവ്വോപരി ദൈവത്തോട് നന്ദിയുണ്ട്. തീർച്ചയായും ഇന്ത്യൻ ക്രിക്കറ്റിന്റെ ഉയിർത്തെഴുന്നേൽപ്പിനാണ് നാം സാക്ഷ്യം വഹിക്കുന്നത്. മാലിന്യങ്ങളെല്ലാം നീക്കം ചെയ്യപ്പെട്ട നദി പോലെ ഏറെ  പരിശുദ്ധമായി കൂടുതൽ ശക്തമായി കൂടുതൽ ഗതി വേഗത്തിൽ ഇന്ത്യൻ ക്രിക്കറ്റ് മുന്നോട്ടു പോകും . ക്യാപ്റ്റനായി തിരഞ്ഞെടുക്കപ്പെട്ട കോഹ്‌ലിക്ക് അഭിനന്ദനങ്ങളും പൂർണ്ണ പിന്തുണയും. നിർണായക സമയത്തു ഭരിച്ച ഉത്തരവാദിത്വമാണ് ഏറ്റെടുക്കുന്നത്. എങ്കിലും ഞങ്ങൾക്ക് വിശ്വാസമുണ്ട്. വളരെ സത്യസന്ധമായി ആത്മാർഥമായി ധീരമായി ഇന്ത്യൻ ക്രിക്കറ്റിനെ ഉയരങ്ങളിൽ എത്തിക്കാൻ കോഹ്‌ലി എന്ന ക്യാപ്റ്റന് സാധിക്കും എന്നതിൽ തർക്കമില്ല. സ്വാർത്ഥത പുലർത്താതെ കഴിവുള്ള കളിക്കാർക്ക് അവർ ഏതു സംസ്ഥാനത്തു നിന്ന് ഉള്ളവർ ആയാലും അവരുടെ മാതൃഭാഷ എന്ത് തന്നെ ആയാലും അവർക്കു അവസ്സരം നൽകണം. ക്രിക്കറ്റിന്റെ വളർച്ചയും നന്മയും മാത്രമാകണം ലക്‌ഷ്യം. ഈ പുതുവർഷത്തിൽ ഇന്ത്യൻ  ക്രിക്കറ്റ് പുതിയ ഉയരങ്ങൾ താണ്ടട്ടെ ... ഹൃദയം നിറഞ്ഞ ആശംസകളും പ്രാർത്ഥനയും പിന്തുണയും !!!!!

1 അഭിപ്രായം:

Muralee Mukundan , ബിലാത്തിപട്ടണം പറഞ്ഞു...

സ്വാർത്ഥത പുലർത്താതെ കഴിവുള്ള
കളിക്കാർക്ക് അവർ ഏതു സംസ്ഥാനത്തു
നിന്ന് ഉള്ളവർ ആയാലും അവരുടെ മാതൃഭാഷ
എന്ത് തന്നെ ആയാലും അവർക്കു അവസ്സരം നൽകണം.
ക്രിക്കറ്റിന്റെ വളർച്ചയും നന്മയും മാത്രമാകണം ലക്‌ഷ്യം

ചിങ്ങപ്പുലരിയിൽ ആശംസകൾ....

ഐശ്വര്യവും സമൃദ്ധിയും നിറഞ്ഞ ഒരു പുതുവര്‍ഷത്തെ വരവേല്‍ക്കാന്‍ മലയാളികള്‍ ഒരുങ്ങിക്കഴിഞ്ഞു. കാര്‍മേഘങ്ങളുടേയും ഇല്ലായ്‌മകളുടേയും...